ಬೆಂಗಳೂರಿನ ಅಲಯನ್ಸ್ ವಿಶ್ವವಿದ್ಯಾಲಯದ ಭಾಷೆ ಮತ್ತು ಸಾಹಿತ್ಯ ವಿಭಾಗದಿಂದ ಪ್ರಕಟವಾಗುವ ಅನುಕರ್ಷ್‌ : ತಜ್ಞ- ಪರಿಶೀಲಿತ ತ್ರೈಮಾಸಿಕ ಪತ್ರಿಕೆಯ ಪ್ರಕಟಣೆಯ ಎರಡನೇ ವರ್ಷದ ಮೊದಲ ಸಂಚಿಕೆಯು “ಉದಾರ ಕಲಾ ಶಿಕ್ಷಣ : ತತ್ವ ಮತ್ತು ಪದ್ಧತಿ” ಎಂಬ ವಿಷಯದ ಮೇಲೆ ಕೇಂದ್ರೀಕೃತವಾಗಿತ್ತು. ಸಂಶೋಧಕರು, ಲೇಖಕರು ಹಾಗೂ ವಿಮರ್ಶಕರ ಸಹಯೋಗದಿಂದ ಸಂಚಿಕೆಯು ವೈವಿಧ್ಯಮಯ ವಿಷಯಗಳೊಂದಿಗೆ ಪ್ರಕಟವಾಯಿತು.

ಅನುಕರ್ಷ್‌ ಪತ್ರಿಕೆಯ ಈ ವರ್ಷದ ಎರಡನೇ ಸಂಚಿಕೆಗಾಗಿ ಯಾವುದೇ ನಿರ್ದಿಷ್ಟ ವಿಷಯವನ್ನು ನಿಗದಿಪಡಿಸಲಾಗಿಲ್ಲ. ಸಾಹಿತ್ಯದ ಯಾವುದೇ ಪ್ರಕಾರಕ್ಕೆ ಸೇರಿದ ತಮ್ಮ ಮೌಲಿಕವಾದ ಸೃಜನಾತ್ಮಕ ಹಾಗೂ ವಿಮರ್ಶಾತ್ಮಕ ಬರಹಗಳನ್ನು ಪತ್ರಿಕೆಯಲ್ಲಿ ಪ್ರಕಟಣೆಗಾಗಿ ಆಹ್ವಾನಿಸಲಾಗಿದೆ. ಎಂದಿನಂತೆ ಪ್ರಸ್ತುತ ಸಂಚಿಕೆಯನ್ನು ಸಹ ಕನ್ನಡ, ಇಂಗ್ಲೀಷ್‌ ಹಾಗೂ ಹಿಂದಿ ಭಾಷೆಗಳ ಬರಹಗಳನ್ನೊಳಗೊಂಡು ಪ್ರಕಟಿಸುವ ಉದ್ದೇಶವನ್ನು ಹೊಂದಿದ್ದೇವೆ. ಆದಾಗ್ಯೂ ಇತರೆ ಭಾರತೀಯ ಭಾಷೆಗಳಿಂದಲೂ ನಾವು ಬರಹಗಳನ್ನು ಮುಕ್ತವಾಗಿ ಸ್ವಾಗತಿಸುತ್ತೇವೆ. ಬಹುಭಾಷಿಕ ಹಾಗೂ ಅಂತರಶಿಸ್ತೀಯ ವೇದಿಕೆಯಾಗಿ ಅನುಕರ್ಷ್ ಪತ್ರಿಕೆಯು ವೈವಿಧ್ಯಮಯ ಭಾಷಿಕ, ಸಾಂಸ್ಕೃತಿಕ, ವೈಚಾರಿಕ ಹಿನ್ನೆಲೆಯ ವಿದ್ವಾಂಸರು, ಬರಹಗಾರರು ಮತ್ತು ಸಾಹಿತಿಗಳನ್ನು ಒಟ್ಟುಗೂಡಿಸುವ ಸಂಪರ್ಕ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ನಾವು ಭಾವಿಸಿದ್ದೇವೆ.

ಅನುಕರ್ಷ್‌ ಪತ್ರಿಕೆಯ ಸಂಪುಟ-2, ಸಂಚಿಕೆ-1 ಅನ್ನು ಮಾರ್ಚ್‌ ತಿಂಗಳ ಕೊನೆಯ ವಾರದಲ್ಲಿ ಬಿಡುಗಡೆ ಮಾಡಲು ಉದ್ದೇಶಿಸಲಾಗಿದ್ದು, ಎಂದಿನಂತೆ ಪ್ರಸ್ತುತ ಸಂಚಿಕೆಯನ್ನು ಸಹ ಹಿಂದಿ, ಇಂಗ್ಲೀಷ್‌, ಕನ್ನಡ ಹಾಗೂ ಇತರೆ ಭಾರತೀಯ ಭಾಷೆಗಳನ್ನು ಒಳಗೊಂಡು ಹೊರ ತರುವ ಉದ್ದೇಶವನ್ನು ಹೊಂದಲಾಗಿದೆ.

ಪ್ರಸ್ತುತ ಸಂಚಿಕೆಗಾಗಿ ದೇಶದ ಗೌರವಾನ್ವಿತ ಬರಹಗಾರರು, ವಿದ್ವಾಂಸರು ಹಾಗೂ ಸಂಶೋಧಕರು ಲೇಖನ, ಪುಸ್ತಕ ವಿಮರ್ಶೆ, ಕಥೆ, ಕವಿತೆ ಸೇರಿದಂತೆ ಯಾವುದೇ ಪ್ರಕಾರದ ಅಪ್ರಕಟಿತ ಬರಹಗಳನ್ನು anukarsh@alliance.edu.in ಇ-ಮೇಲ್‌ ವಿಳಾಸಕ್ಕೆ 28/06/2022 ರೊಳಗಾಗಿ ಕಳುಹಿಸಿಕೊಡಬೇಕೆಂದು ವಿನಮ್ರಪೂರ್ವಕವಾಗಿ ಕೋರುತ್ತೇವೆ. ಕನ್ನಡದಲ್ಲಿ ತಮ್ಮ ಬರಹಗಳನ್ನು ಕಳುಹಿಸಲಿಚ್ಛಿಸುವವರು ನುಡಿ 06 ಫಾಂಟ್‌ ನಲ್ಲಿ ಬೆರಳಚ್ಚು ಮಾಡಿ ಕಳುಹಿಸಿಕೊಡಬೇಕಾಗಿ ವಿನಂತಿ.